Dinamalar

ஹீரோவும் நானே, வில்லனும் நானே - ஷாருக்கானின் 'ஜவான்' டிரைலர்

அட்லி இயக்கத்தில், அனிருத் இசையமைப்பில், ஷாருக்கான், நயன்தாரா, விஜய் சேதுபதி சிறப்புத் தோற்றத்தில் தீபிகா படுகோனே மற்றும் பலர் நடிக்கும் 'ஜவான்' படத்தின் டிரைலர் சற்று முன் ஹிந்தி, தெலுங்கு, தமிழ் ஆகிய மொழிகளில் வெளியானது.

தமிழில் வெளியான டிரைலரைப் பார்க்கும் போது ஹிந்திப் படம் ஒன்றைப் பார்க்கிறோம் என்றில்லாமல் ஒரு நேரடி தமிழ்ப் படத்தைப் பார்க்கிறோம் என்றே தோன்றுகிறது. அதற்குக் காரணம் படத்தில் உள்ள தமிழ் நடிகர்கள், தமிழ் வசனங்கள்.
முழுக்க முழுக்க ஷாருக்கை மையப்படுத்திய டிரைலராக இருந்தாலும் நயன்தாரா, விஜய் சேதுபதி, பிரியாமணி, சான்யா மல்கோத்ரா ஆகியோர் ஒரு சில வினாடிகள் வந்து போகிறார்கள்.

“நான் புண்ணியமா, இல்ல பாவமா”, “ஹீரோவா, வில்லனா”, “நீங்கதான் நா…ரெடி”, “இது வெறும் ஆரம்பம்தான், இனிமேதான் ஆட்டமே”, “நான் வில்லனா முன்னாடி வந்து நின்னா, என் முன்னாடி எந்த ஹீரோவும் நிக்க முடியாது ராஜா,” என ஷாருக்கானின் வசனங்கள் விஜய், அஜித் பட வசனங்களைப் போல ரசிகர்களைக் கவர வாய்ப்புள்ளது.

படத்தில் ஷாருக்கானே ஹீரோவாகவும், வில்லனாகவும் இரண்டு வேடங்களில் நடித்திருக்கிறார் எனத் தெரிகிறது. ஒரு சயின்டிபிக் ஆக்ஷன் த்ரில்லர் படமாக இப்படம் இருக்கும் என டிரைலரைப் பார்க்கும் போது எதிர்பார்ப்பு ஏற்படுகிறது.

அனிருத்தின் பின்னணி இசை மட்டுமே டிரைலரில் உள்ளது. பாடல்களை டிரைலரில் சேர்க்காதது ஒரு குறை. ஒளிப்பதிவு, சண்டைக் காட்சிகள் என டெக்னிக்கலாகவும் டிரைலர் சிறப்பாகவே உள்ளது.

ஷாரூக்கான் கடைசியாக நடித்து வெளிவந்து ஆயிரம் கோடி வசூலை அள்ளிய 'பதான்' படத்தின் வசூலை இந்தப் படமும் தொடரும் என்று பாலிவுட் வட்டாரங்கள் டிரைலரைப் பார்த்ததும் பேச வாய்ப்பிருக்கிறது.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  தி ராஜா சாப் படத்தில் பைரவி ஆக மாளவிகா மோகனன்
• 
  தயாரிப்பாளரை நடிகராக மாற்றும் பாண்டிராஜ்
• 
  ஷங்கர் மகனுக்கு ஜோடியாகும் இளம் நாயகி
• 
  குருநாதருக்கு நன்றி செலுத்தும் மிஷ்கின்
• 
  அடுத்த ஆண்டாவது ஒலிக்குமா என் இனிய தமிழ் மக்களே